【明報專訊】民主黨主席胡志偉月初喺立法會特首答問會，因為《逃犯條例》修訂爭議，激動到鬧特首林鄭月娥「你唔死都冇用，八婆」。組織「女性尊嚴守護天使」噚日去到胡志偉位於黃大仙嘅議員辦事處，帶埋「辱罵女性做錯唔認」、「教壞小朋友 污染立法會」、「向全港女性鄭重道歉」等標語牌抗議，要求胡志偉24小時內向全港女性同林太道歉。