【明報專訊】區議會選舉11月底舉行，公民黨噚日舉辦傳媒茶敘，介紹部分積極考慮參選嘅新人。該黨現任東區康怡區議員梁穎敏，因身體問題唔競逐連任，本身係當區居民、任職資訊科技界嘅黨友魏志豪有意接班，佢透露10幾年前係建制派支持者，曾喺立法會選舉投票畀葉劉淑儀，後來被不同社會政治事件啟蒙並接觸民主派人士，對民主派改觀，最終入埋公民黨。