【明報專訊】佔中9人案上月判刑，社福界立法會議員邵家臻被判入獄8個月。身陷囹圄嘅阿臻仍心繫議會工作，繼早前申請外出開會被拒後，立法會議員朱凱廸噚日喺facebook透露，阿臻將於下周三（29日）提出有關「過勞死」嘅口頭質詢，已經再度向懲教署申請出席會議，正等候審批，希望當日可以為打工仔發聲。阿廸又話，前日去赤柱監獄探阿臻，引述阿臻喺獄中最唔適應就係熱，希望懲教署容許囚友用工作薪酬買手提風扇，捱過夏天。