【明報專訊】渠務署4年前展開顧問研究，評估全港主要河道同明渠嘅活化潛力，Emily兩年前同時任渠務署長唐嘉鴻傾過，佢當時話初步研究顯示首批有5條河入圍，包括佐敦谷明渠，由於呢條明渠只係長約200米，當時預計工程費用喺3000萬元以下，唔使向立法會申請撥款，所以會先爭取展開活化。Emily留意到，署方近日就呢條明渠活化諮詢區議會，計劃今年底動工，2022年完工，但未喺文件透露工程成本。