【明報專訊】發展局以「一邊開放、一邊優化」嘅概念，3月底率先開咗西環卑路乍灣海濱長廊第一期嘅172米長廊，仲同本地針織塗鴉工作室La Belle Époque合作，擺咗針織公仔陪大家睇日落，Emily都去過「打卡」。但有網民噚日喺facebook話，其中一隻貓公仔跌咗落海，仲問「有冇人可以救佢（公仔）？」結果附近一個船家叔叔冒險執番公仔上岸，由網民送番去針織工作室。