【明報專訊】《逃犯條例》修例法案委員會噚日舉行第二次會議，氣氛緊張，主持會議嘅民主黨涂謹申因規程問題，其間暫停會議10分鐘，新民黨容海恩（Eunice）突然趁呢段空檔，帶埋今年初出世嘅B女入會議室探望「長輩」，一班建制派女議員隨即蜂擁而上打卡，連民主派會議召集人毛孟靜都大讚B女得意、「眉目如畫」，會議室氣氛頓時放鬆咗一下。