【明報專訊】政府預料最快2020年底落實垃圾徵費，但自從舊年12月立法會成立法案委員會以來，至今只開咗5次會，距離立法會休會剩番兩個月左右，政府仲好似嘆慢板咁。會計界議員梁繼昌為徵費護航，佢表明支持計劃，認為徵費先至可以製造誘因減廢，但𠵱家已經4月底，審議法例嘅時間無多，每次開會政府又唔係好答到議員嘅提問，單係點執法問題已經滿足唔到大家，所以佢對呢條法例可以喺暑假休會前通過表示唔樂觀。