【明報專訊】無綫最近播嘅電視劇《鐵探》引起唔少討論，前晚一集連政界人都有留意到，因為有一幕大家見到體育學院主席林大輝做埋法官、有對白，網上討論區有網民話該角色「好似林大輝」，等到片尾介紹劇中人時，林大輝個名就喺特別演出一欄出現。Emily問過大輝，佢笑言玩票性質踩入演藝界，講明「千祈唔好睇小我潛質」，透露除咗《鐵探》外，近日亦為另一套劇客串，新劇更會有多啲戲分。