【明報專訊】近年瑜伽喺香港幾受歡迎，原來連行政會議成員、新民黨主席葉劉淑儀都略有研究，68歲嘅葉太做起動作上嚟都似模似樣。話說前日佢同新民黨常務副主席黎棟國、南區區議員陳家珮喺上環中山紀念公園，出席「瑜伽世界紀錄2019」活動，葉太話自己雖然唔係瑜伽專家，但一向喜歡做運動，囡囡偶爾都會教佢簡單嘅瑜伽動作，加上女性身體柔韌度較高，佢自言帶領黎棟國、陳家珮喺嘉賓台上做幾招舒展筋骨都毫無難度。Emily從相片所見，葉太嘅柔軟度的確比兩名黨友高。