【明報專訊】中央上周公布《粵港澳大灣區發展規劃綱要》，政制及內地事務局長聶德權其後喺電台節目講，《綱要》係方向，唔係當中有提及，香港就必須實施。立法會前主席曾鈺成就喺專欄文章發炮，話綱要都寫咗唔少廣東省政府要做嘅便利港人措施，「試想想，假如廣東省省長現在出來說，『綱要寫了的東西，廣東不一定要做』，那會給港人發出甚麼訊息呢？」佢甚至話，首先要對綱要加深理解嘅人，係特區政府官員。