【明報專訊】近年外國興起豪華露營，漁護署上周六起諮詢公眾嘅郊野公園優化方案，其中一項就係升級露營，兩者概念近似，都係為咗畀啲無乜露營經驗嘅市民感受露營嘅樂趣。漁護署助理署長黎存志同Emily講，升級營地會提供帳幕及煮食設施，市民「兩手揈揈」都可以入住，而為咗避免炒賣同霸營，署方會為受歡迎場地引入預約系統，至於加入港人優先預約機制，就要諮詢民意。