【明報專訊】新民黨主席葉劉淑儀有意喺出年立法會選舉轉戰「超級區議會」，咁就要先喺今年底搵個區議會選區落腳參選。本身係港島區立法會議員嘅佢，呢排頻頻「跨區」到屯門三聖同掃管笏一帶，上個月先孖住該黨嘅三聖區議員蘇炤成帶「高鐵港珠澳大橋兩天遊」街坊團。時值新春，葉太行大運又行到去掃管笏，佢噚日喺facebook話去咗兩個屋苑「NAPA」同「星堤」，拜年之餘並關心新界西嘅交通情况。