【明報專訊】噚日係大年初三，雖然「赤口」不宜拜年，但唔少立法會議員都落區同街坊拜吓年、派吓利市。新民主同盟范國威（Gary）噚日扮成財神、拎住一籃利市，派發佢親自設計嘅「肉麻豬豬利市封」，裏面裝住朱古力金幣，祝市民新年進步。根據Gary上載嘅短片，佢把口都好識冧人，見到女士就祝「美艷動人」，男士就祝「諸事順利」、「家庭幸福」。