【明報專訊】財政司長陳茂波喺上一份《財政預算案》推出「關愛共享計劃」，向合資格市民派4000元，但因為行政程序繁複備受批評。陳茂波噚日去馬場時被馬迷噓，無答記者提問就走咗，原來佢之後去咗深水埗楓樹街球場嘅新春墟市，現場無記者採訪，現場情形係點Emily不得而知，但從陳茂波及民建聯鄭泳舜facebook嘅相片同短片嚟睇，財爺喺墟市都幾受歡迎，片段所見仲有市民爭住同佢合照𠻹。