【明報專訊】唔少政界人士都趁聖誕假期外遊，民建聯立法會議員葛珮帆（EQ）就同家人「三代同堂」，喺迪拜玩得相當開心。EQ此行仲試咗人生第一次跳傘，佢形容呢次經歷好興奮又緊張，由1.3萬呎高空跳出飛機一刻有啲驚，但急墮嘅60秒非常刺激，「好大風，吹到面都變晒形」；降落傘張開後，佢就有5分鐘時間喺高空欣賞迪拜景色，形容風景好靚、好享受。