【明報專訊】現時要聽歌，唔少人都會選擇上網或用付費嘅串流應用程式，甚少人仲會買CD，連賣實體唱片、影碟為主嘅HMV今個月中亦清盤結業，買碟嘅地方可以話買少見少。資訊科技界立法會議員莫乃光（Charles）就仍然鍾情CD，仲話每次去日本都會行CD舖，好似今次去東京，由相片可見佢掃咗最少8隻CD，唔少都係上世紀60至80年代嘅歌手。佢話雖然CD可以上網買，或者用串流聽，但係行唱片店始終感覺不一樣。