【明報專訊】消防處宣傳角色「任何仁」（ 洋名Anyone）一身藍色緊身裝束造型，引起網民瘋傳同討論，從宣傳角度似乎都幾成功，其實消防處都係想教大家心肺復蘇法（CPR）啫。噚日消防處嘅facebook專頁出咗新片推廣，今次搵嚟香港拳王曹星如亮相，片中曹星如問「任何仁」可唔可以睇吓佢個樣，「任何仁」就話今次係「最後一集」，所以就畀大家睇吓佢個樣。點知除咗頭套嘅「任何仁」，都係曹星如嚟嘅，佢話「只要你敢，任何人都可以救人」。