【明報專訊】高鐵香港段通車個幾月，但係每日客量同政府早前預測嘅8萬人次有段距離。民主派會議召集人毛孟靜（Miss Mo）前日收到港鐵員工通報，話港鐵內部出通告，表示為答謝員工為高鐵開通付出嘅努力，會向港鐵全職香港員工，免費送出兩張高鐵二等座車票，佢哋可以帶同一個家屬搭高鐵來回西九龍總站至福田或深圳北。Miss Mo計過數，港鐵有約1.7萬名員工，如果每個員工都帶家屬出行，索取兩套來回車飛，咁樣送飛就要花大約550萬，為高鐵帶嚟約3.4萬客量，佢質疑港鐵咁做係想「谷高」坐高鐵嘅人數。