【明報專訊】近年唔少工種好難請人，亦衍生出更多機器代替人手，洗頭係其中一項。工黨副主席李卓人早前去髮型屋剪頭髮，喺職員邀請下都試用咗自動洗頭機。人哥同Emily講，用洗頭機洗頭只需要5分鐘，相當快手，但感覺就同平時人手洗頭差一截，唔會幫你按摩個頭，「（洗頭機）係噴射式，純粹搏命射你」，不過張櫈有按摩功能，如果第日要揀，佢都希望揀番人手洗頭。