【明報專訊】近日政圈流傳前特首、全國政協副主席梁振英（CY）有意回朝，喺2022年特首選舉捲土重來。空穴來風，或者係因為CY呢排經常化身時事評論員，例如喺facebook炮轟香港外國記者會請香港民族黨召集人陳浩天演講；而另一邊廂，有建制派開始批評特首林鄭月娥。全國人大常委譚耀宗噚日喺電台被問到呢個傳聞，就話「捕風捉影嘅嘢無需要」，「等於問我會唔會返去選立法會，我都已經做緊唔同層面嘅嘢」。