【明報文章】解釋唔到，姑且叫緣分吧。朋友知我條腰梗晒，係舊患，介紹我看脊醫，我拖得就拖，結果拖咗半年。直到上星期突然短暫失憶（TGA），用咗幾萬蚊照腦驗血，冇嘢喎。看中醫，也只能說，去去瘀，行氣活血。但這個星期，常常唔夠氣，就想起，這似乎是輕微高山症的感覺，幾年前去香格里拉，上樓梯只可以慢行，成個阿伯咁。冇錯，就係覺得缺氧。