【明報專訊】廣深港高鐵本月底通車，多區嘅區議員前日一齊去參觀高鐵西九龍站，包括幾位民主派區議員。不過，東區區議員麥德正、古桂耀同徐子見，喺區議員大合照時竟然一齊笑笑口、「舉中指」，但舉到鬼鬼祟祟咁，畀本身係東區區議員嘅工聯會立法會議員郭偉強炮轟，批評佢哋表裏不一，既要享受獲優待嘅參觀，但又舉中指。麥德正同Emily講，影大合照時有人叫畀like（即豎起拇指），但佢心中唔like， 因此「玩吓」做其他手勢，至於係咪舉中指，麥德正話：「你話係中指咪係」。