【明報專訊】「惜食堂」噚日舉行「惜食飯餐感謝宴2018」，邀請咗特首林鄭月娥、支持機構同捐贈伙伴齊齊品嘗由惜食堂製作嘅飯餐。惜食堂主席梁錦松喺活動致辭時一開始就語出驚人咁話「佢（林太）唔係人嚟㗎！」佢解釋，林太嘅日程密到「唔係人做到」，大爆「有朋友夜晚12點收到佢WhatsApp」，多謝佢抽時間出席午宴。阿松話，林太為香港勞心勞力，特別係最近為香港嘅土地問題勞心勞力，叫大家支持林太，提供更多土地，因為香港樓價實在太貴。