【明報文章】《龍虎豹》賣色，是常識；審，不必逐頁睇，單看三點，已可定級。村上春樹係小說家，諾貝爾文學獎大熱，按常識，你都要睇多幾章，睇吓來龍去脈。就算有道德佬投訴，你都要睇吓本書噏乜先啦。係，《刺殺騎士團長》係有性有愛，咁你都要知道佢嗰幾頁係唔係販賣色情？係唔係不雅？有冇腐化讀者嘅效果？