【明報專訊】今年十一係國慶69周年，「香港同胞慶祝中華人民共和國成立69周年籌備委員會」噚日成立，由前特首、全國政協副主席董建華做執行主席，中華總商會會長蔡冠深做秘書長。蔡冠深話今年會按過去3年嘅做法，10月1日同2日喺香港體育館搞文藝晚會同青年音樂會。佢介紹文藝晚會以「迎接盛世」為主題，有音樂、舞蹈、快板、解放軍等表演，表達對祖國成就嘅喜悅，希望帶畀觀眾一啲新希望、新動力；青年音樂會就以時尚活力為主，繼續搵年輕人鍾意嘅韓星演出，去年就有人氣男團INFINITE等。蔡冠深笑言「韓星好貴呀」，現時籌得幾百萬，呼籲有心人大力捐款。