【明報專訊】本報噚日報道西九管理局上年初開始，直接向M+總承建商新昌嘅分判商付款，西九解釋一早同立法會交代咗，點知畀議員群起圍攻話從未聽過。事件仍未平息之際，西九再爆公關災難，將今個月5號晚上回覆本報、但噚日先上載嘅聲明，時光倒流寫話係7月6日嘅新聞稿，令其他傳媒行家誤以為西九本月初已經自爆事件。