【明報專訊】立法會九龍西補選11月25日舉行，泛民支持劉小麗出選，建制派就未有定案。有建制派話係等緊食物及衛生局前局長高永文決定會唔會做代表披甲上陣，早已講咗有意出選嘅經民聯深水埗區議員梁文廣噚日同傳媒茶敘時，就唔肯正面回應係咪等緊高醫生，但話等緊邊個都好，如果一言堂唔聽人講，一定出事，所以最重要係建制派團結。佢又話，經民聯會同其他建制派傾，但暫時建制派未正式協調。得番4個幾月，會唔會唔夠時間做競選工程？同場嘅經民聯青年事務委員會主席梁宏正就代答，話唔擔心。