【明報專訊】早前有套電視劇以油麻地果欄「大嫂」為主題，經民聯梁美芬（Priscilla，圖）噚日喺立法會宴會廳外就化身果欄大嫂，推住一車由果欄買返嚟嘅水果慰勞記者，佢話自己喺果欄附近長大，覺得大家應該支持果欄發展。圖中呢10盤水果盛惠2000幾蚊，佢話其中青色大提子就值10蚊一粒。Priscilla黨友盧偉國形容，生果貴重都不及Priscilla心意咁重喎。