【明報文章】facebook心理，變化微妙。我和世侄女早已睇post唔發post。以前，fb friends，都真係friend friend哋，今天fb好似個「公海」，乜人都有，你今日出咗兩粒暗瘡，唔會喺銅鑼灣Sogo十字路口，大大聲嗌「好痛啊！」但世侄女話我知，有一種「港女藥丸post」，當事人久唔久post張相，show幾包醫生開嘅藥丸袋，或一樽咳水，話：「又病喇，好辛苦！」然後下面一群朋友留言：「加油啊！」「好可憐啊！」「錫錫！」看官，你懂的！病人就是要朋友同情鼓勵。