【明報專訊】台灣樂隊「五月天」今日起喺香港迪士尼樂園停車場舉行6場演唱會，Emily上網睇過，發現唔少黃牛飛炒價已經大幅回落，仲有飛係平過正價四成，原價880元門票，494元就買到，至於最平嘅原價680元門票，最平450元起有交易。另外，買咗飛嘅觀眾到時除咗可以搭港鐵到迪士尼，大會亦安排咗7條入場巴士線，同6條離場線來往市區同迪士尼。