【明報專訊】Emily成日去旅行，次次喺香港國際機場嘅1號客運大樓安檢後入到禁區，總會先去禁區裏面嘅東美食廣場「醫肚」等上機，機管局噚日同傳媒聚會時就話，原來美食廣場已經好多年冇裝修，加上成日大排長龍，所以下月起分兩階段翻新，以「獅子山精神」做主題，首階段預計今年底完工；明年農曆新年後做第二階段，預計明年第三季全面完工，到時座位由900個增至1200個，餐廳由6間增至9間，包括賣中式點心，餐廳會24小時開放。