【明報專訊】民建聯新界西立法會議員陳恒鑌（Ben）喺facebook圖文並茂（圖），向同區嘅民主黨立法會議員尹兆堅發炮，質疑阿尹一邊話自己資源不足，另一邊廂就向街坊派朱古力消化餅，仲要每人派8包，阿Ben話「我哋真係望塵莫及喇」。Ben仲話民主黨「洗乜眾籌呀後台咁厚」，似乎係暗諷民主黨近日眾籌跟進前特首梁振英嘅UGL事件。