【明報專訊】民生無小事，旅遊界議員姚思榮噚日喺立法會特首質詢時間，就問特首林鄭月娥會唔會搞番場「公廁革命」。佢話，唔少遊客反映中環、山頂、尖沙嘴、旺角等旅遊熱點嘅公廁供應不足，而好似中環街市個公廁咁，咁多年來都好肉酸，衛生情况差，有損香港作為國際大都會形象。佢又建議喺唔同區都搞啲「icon」公廁，令大家都有「好特別嘅感受」。