【明報專訊】全國政協會議今日開幕，港區政協委員已到達北京出席會議，其中政協新丁、前警務處長曾偉雄噚日就開始接受內地傳媒訪問，用普通話傾足成個鐘，及後亦有同在場嘅香港記者交流，自言作為政協新丁，都要多多學習。按慣例政協委員喺兩會期間會就唔同範疇交「提案」建議，曾偉雄就話今年唔會提案，主要想就關注範圍研究吓先，之後先提可行建議。