【明報專訊】特首林鄭月娥去年上場以嚟，同主流泛民關係較上屆政府有改善。民主黨今月20日將喺九龍灣舉行黨慶籌款酒會同晚宴，林太、3名司長同6名局長等30個官員，已答應出席酒會，空群出動十分畀面。民主黨副主席羅健熙歡迎新政府願意出席黨慶，但就強調呢場只係社交場合，唔代表雙方關係破冰或者「大和解」，有需要嘅抗爭該黨會照做咁話。