【明報專訊】現今年輕人都好大壓力，為關注佢哋嘅情緒健康，香港青年協會喺4月29日將再度舉辦「青協背包跑 2018」，參加者要孭起背包同書本，象徵分擔年輕人壓力。青協請到勞工及福利局長羅致光為活動拍片，局長喺片中話，希望大家可以支持背包跑，因為呢個活動可以為大家紓緩壓力。佢自言經常孭住背囊周圍去，而個背囊都幾重，「如果能夠放低背囊，有如釋重負嘅感覺，自然精神煥發，所以減壓真係好緊要！」