【明報專訊】公民黨黨魁楊岳橋（AY）一向鍾意扮鬼扮馬，時不時自製短片，搞笑之餘講吓政策。佢前晚喺facebook上載新節目《AY810》，模仿某電視節目訪問戴住頭盔嘅蒙臉受訪者，探討車位不足問題。AY提到當年喺加拿大讀書，有次去前女友宿舍「研究功課」之時突然聽到警鐘聲，之後發現自己泊喺迴旋處架車阻住消防車出入，要即刻揸走架車，好彩無造成好多問題。