【明報專訊】喺今時今日嘅智能世界，差唔多人人都有部智能電話，有咩事通常都會透過唔同類型嘅通訊App溝通，好少人會再親手寫信。但係專研究國際關係、活躍於社交網站嘅中大社會科學院副教授沈旭暉，最近就收到香港華仁書院老師寄畀佢嘅手寫邀請信，請佢出席講座分享，信中行文典雅，無一個標點符號，一手字仲獲得唔少網民稱讚。