【明報專訊】今次特首選舉，唔少傳媒同坊間團體都有做民調，手握逾百選委票嘅民建聯同樣唔例外，噚日公布結果。問及3個候選人「邊一位較有管治能力」，林鄭月娥以50.8%遠超曾俊華嘅37.4%，胡國興只有2.6%。但問到「邊一位較有能力做下任特首」，曾俊華支持度就多過林太，分別為45.3%和44.2%，副主席周浩鼎形容兩人「叮噹馬頭」。