【明報專訊】民主黨前主席劉慧卿自從去年退下火線後，原來已經專心「潛水」。卿姐唔係匿埋唔見人，而係真係去學潛水，卿姐話廿幾年前學唔識，今次有名師教導，又有時間，「應該一定得」。其實卿姐一直都係退而不休，𠵱家仲經常喺網台節目《議會內外》訪問左中右嘅政壇人物，亦繼續關注少數族裔人士。