【明報專訊】特首選戰如箭在弦，坊間盛傳唔同人選，將於明年6月底卸任世衛總幹事嘅陳馮富珍亦「榜上有名」。曾為前特首董建華助選嘅資深公關楊志剛，噚日喺本報觀點版撰文，形容陳太係下屆特首最佳人選，指她任職世衛期間多次同國家主席習近平會面，相信喺主席心中留下深刻印象。唔通陳太先係「真命天子」？但楊志剛同Emily講，唔係收到內幕消息，只係從傳媒報道嘅觀察啫。