【明報專訊】Emily早排報道過荃灣沙嘴道生記士多店主患末期癌症，為籌集醫藥費減價促銷，網民亦喺facebook呼籲幫手散貨。Emily噚日再去生記士多，店主個仔方先生話多得網民同街坊幫手，加上有酒廠肯平價回收貨品，目前舖頭已經清走一半貨。而舖頭早排亦有一班退休朋友表明願意頂租，仲會買埋存貨同電器等。