【明報專訊】新一屆立法會中唔少議員都具法律背景，包括民建聯周浩鼎、張國鈞，獨立何君堯，工業界吳永嘉，新民黨容海恩，令建制擁有律師背景嘅議員大增至8人。難得大家有共同語言，身為較資深議員嘅經民聯梁美芬，就籌組建制派跨黨派嘅建制律師團。當中4人響應，噚日第一次碰頭，傾吓議事規則同未來方向，梁美芬就做咗佢哋嘅聯絡人。