【明報文章】知道比卡超此物，但沒交情，唔係好熟，動漫沒看過，完全connect唔到。全城哄動，我呢？無動於衷。世侄女玩得投入，四出尋找異獸奇珍，還附上煞有介事的城市觀察。首先，玩Pokémon GO跨年齡跨階層，乜人都有；師奶、小學雞、大學生、OL、律師、候選議員，一律Go Go Go。其次，這個星期，陌生人互通情報，遇見精靈，樂意報料，公園裏的靚仔靚女，突然嘩一聲，有隻比卡超喎，一眾走上前，圍捕精靈，大家不是競爭對手，精靈球一擲，比卡超拿到手，Gotcha！陌生的朋友笑逐顏開。其三，運動啊，每天多走10K，消脂之餘還可認識社區環境。