【明報專訊】立法會下星期三會二讀審議有關改革醫委會嘅《2016年醫生註冊（修訂）條例草案》，人稱「怪醫」嘅醫學界議員梁家騮就喺限期前向立法會提交逾11萬條修正案，數目遠超激進泛民過去幾年就財政預算案拉布而提交修訂嘅總和。Emily好奇，逾11萬個修正案，每條一頁紙就要花10幾萬張紙，究竟怪醫點提交修訂呢？怪醫就話佢當然無列印出嚟，而係用USB手指儲存檔案交畀秘書處。