【明報專訊】一向唔吝嗇評論時事嘅大律師公會前主席石永泰，接受商台節目《雲常開》訪問，形容自己係「和理非非、大中華膠」。何解呢？原來石永泰噚日提到港獨思潮，認為當下只能喺港獨以外尋找出路，例如移民，或者等現今話事者「自然流失」，又話希望港獨支持者除咗派傳單同出聲明反駁外，可以「用25字以下話我聽打算如何實踐」。