【明報專訊】多個支持香港家庭核心價值嘅團體，組成「家長權益大聯盟」，表明非常關注立法會選舉嘅候選人喺同性戀運動議題上嘅立場，因而打算向參選者做問卷調查，了解候選人喺同運議題嘅取態。大聯盟噚日召開記者會講解問卷調查工作，其中「香港眾志」秘書長黃之鋒嘅爸爸、「性傾向條例家校關注組」召集人黃偉明都有出席，佢認為立法會議員討論同運議題時有一定影響力，所以𠵱家去了解候選人取態並唔係過分憂慮。