【明報專訊】政黨嘅辦事處開幕，不時都會請官員做嘉賓，噚日新民黨立法會議員田北辰，以及該黨荃灣區議員鄭捷彬喺深井嘅辦事處開幕，邀請咗食物及衛生局長高永文出席，田二少仲對高永文讚不絕口，話以民望選特首，高局長一定跑贏一條街；如果選最靚仔局長，佢都一定係頭三甲。民望高呢個名並非浪得虛名嘅，噚日高永文離開時，鄭捷彬媽媽就同高醫生講話係佢粉絲，仲有一齊合照。