【明報專訊】前日「六四」27周年，唔同團體用自己嘅方式舉辦悼念活動，社交網站facebook專頁「我係香港人」噚日凌晨瘋傳一張圖片，顯示有城巴車頭嘅電子路線牌改成「8964」，玻璃窗前放有「加班車」紙牌，唔通用自己方式悼念六四？專頁管理員仲話「（前日夜晚）約8時30分……巴士停泊於金鐘巴士站外」。呢張相引起網民熱議，有人留言話「司機哥哥……希望大家去維園支持！」，但亦有人擔心佢會「被自願離職」。