【明報專訊】立法會選舉前嘅母親節，各黨派議員都好忙，分別喺所屬選區向街坊派花應節，接觸一下選民，好似工聯會黃國健除咗派禮品，仲搞頌親恩電影欣賞會。公民黨楊岳橋就賣溫情，喺fb上載一張握着103歲外婆手嘅相片，感激婆婆照顧，「見面不用多言，握一握手，就像小時候她拖著我一樣就夠」。經民聯梁美芬就拍柔情短片，話全職工作母親或家庭主婦同樣值得尊敬。